Cismaan Saxardiid Cadaani Oo Loo Magacaabay Xidhiidhiyaha Laamaha Xisbiga KULMIYE ee Qurbajoogga
XISBIGA MIDNIMADA IYO HORUMARINTA SOMALILAND
XISBIGA MIDNIMADA IYO HORUMARINTA SOMALILAND
KULMIYE
Ref: XK/XAD/0029/2010
Date: 20/01/2010
KU: Md. Cismaan Saxardiid
Og: Hoggaanka Xisbiga KULMIYE
Ujeedo: Magacaabis Xil
Xisbiga KULMIYE markuu arkay muhimadda hawlgallada taageerayaasha xisbiga KULMIYE ee ku dhaqan qurbahu ay u leedahay horumarinta hawlaha qaran ee xisbiga, tixgalinna siiyay baahida loo qabo in la xidhiidhiyo lana kobciyo laamaha xisbiga ee jaaliyadaha qurbaha, dhagaystayna talooyin ay soo jeediyeen masuliyiinta laamaha xisbiga ee qurbuha, wuxuu u magacaabay Cismaan Saxardiid inuu noqdo Xidhiidhiyaha Laamaha Xisbiga KULMIYE ee Qurbajoogga.
Musuuliyadda Xidhiidhiyaha laamaha xisbiga ee qurbojooggo waa isku xidhka(coordination)laamaha xisbiga ee jaaliyaha qurbaha si hawlgalladoodu ay u noqdaan kuwa kaaba hawlaha qaran ee xisbiga ee gudaha ka socda, waxaanu xidhiidhiyuhu hoos imanayaa Xafiiska Arrimaha Dibadda ee xisbiga KULMIYE.
Waxaa la farayaa guddiyada laamaha xisbiga ee qurbojooggu inay ku xidhmaan Xidhiidhiyaha una fududeeyaan gudashada mas’uuliyadda xisbi oo loo magacaabay.
Guul iyo Gobonimo
Xoghayaha Arrimaha Dibadda ee Xisbiga KULMIYE
Dr. Maxamed Cabdillaahi Cumar