KULMIYE Party

Hargeysa,Guddidii uu Madaxweyne Siilaanyo u xil-saaray inay ka soo tallobixiso qaab-dhismeedka iyo muuqaalka ay yeelanayso xukuumadda cusub ee laga sugayo xisbiga KULMIYE eek u guulaystay tartankii doorashada Madaxtooyadda.

Gudidaa oo ka kooban dhowr iyo toban xubnood oo maanta kulan ay saxaafada kula hadlayeen ku qabtay Huteelka maansoor ee magaalada Hargeysa ayaa soo bandhigay qaabka ay ku talo bixiyeen in loo dhiso Hayadaha dawlada iyo tiradooda, waxayna sheegeen inay soo jeediyeen inay dawlada cusubi ka koobnaato 15 wasaaradood, kuwaas oo aan lahayn wasiir ku xigeeno iyo wasiir dawlayaal toona.balse yeelanaya waaxo Agaasin ah(Directress).

Qoraal ay ku shaxeeyeen talooyinkooda oo uu madasha ka akhriyay xoghayaha gudidaa Maxamed faarax, waxayna qaabka loo qorsheeyay wasaaraddaha yihiin sidan;-

!)- Wasaarada Arrimaha dibada iyo Iskaashiga Caalamiga ah

Agaasinka Arrimaha dibada

Agaasinka Arrimaha Iskaashiga caalamiga ah

Agaasinka qurbo-jooga

2)- Wasaarada Arrimaha Gudaha

Agaasinka Arrimaha Amniga

Agaasinka Arrimaha Qaxoontiga iyo Barokacayaasha

Agaasinka Arrimaha socdaalka

Agaasinka horumarinta iyo iskaashiga dawladaha Hoose

3)- Wasaarada Maaliyada iyo Qorshayta

Agaasinka Qorshaynta iyo Horumarinta Dhaqaalaha

Agaasinka Lacagta

Agaasinka Maaliyada

4)- Wasaarada Difaaca

Agaasinka Hawl-gelinta

Agaasinka Tababarada

Agaasinka Saadka

Agaasinka Naafada iyo Agoomaha Halganka

Waaxda Ururinta Taariikhda Halganka

5)- Wasaarada Ganacsiga iyo Warshadaha

Agaasinka Ganacsiga

Agaasinka Warshadaha

Agaasinka Maalgelinta

6)- Wasaarada Xanaanada Xoolaha, Deegaanka iyo Horumarinta

Agaasinka Xoolaha

Agaasinka Deegaanka

Agaasinka Horumarinta reer Miyiga

7)-Wasaarada Beeraha iyo Khayraadka Badda

Agaasinka Beeraha

Agaasinka Khayraadka Badda

8)- Wasaarada Biyaha, Tamarta iyo Macdanta

Agaasinka Biyaha

Agaasinka Tamarta

Agaasinka Macdanta

9)- Wasaarada Arrimaha Diinta iyo Garsoorka

Agaasinka Arrimaha Diinta

Agaasinka Arrimaha Garsoorka

10)- Wasaarada Caafimaadka

Agaasinka Caafimaadka guud

Agaasinka Dawaynta

Agaasinka Shaqaalaha iyo Saadka

Agaasinka Maamulka iyo Loojistikada

11)-Wasaarada Waxbarashada

Agaasinka Dugsiyada Hoose Dhexe

Agaasinka Dugsiyada sare

Agaasinka Agaasinka dugsiyada Farsamada

Agaasinka Horumarinta Manaahijta iyo Tabobarka Macalimiinta

Agaasinka Agaasinka Taxliinta Sare

12)- Wasaarada Warfaafinta, Isgaadhsiinta iyo Tignoolajiyada

Agaasinka Warfaafinta

Agaasinka Isgaadhsiinta

Agaasinka Tignoolajiyada

13)- Wasaarada Hawlaha Guud, Guriyaynta iyo Gaadiidka

Maamulka Dekada

Maamulka Duulista Hawada

Maamulka Wadooyinka

Agaasinka Guriyaynta

14)- Wasaarada Shaqada iyo Arrimaha Bulshada

Agaasinka Arrimaha bulshada

Hawlgabka

Naafada

Agoomaha

Agaasinka Arrimaha Haweenka

15)- Wasaarada Dhalinyada, Ciyaaraha iyo Dhaqanka

Agaasinka Dhalinyarada

Agaasinka Ciyaaraha

Agaasinka dhaqanka iyo Taariikhda Qaranka

Guddidaasi waxay soo jeediyeen inaan xukuumadda cusub ee Madaxweyne Siilaanyo aanay yeelan Wasiirul dawleyaal iyo Wasiir Ku Xigeeno.

Waxa kale oo ay Guddidu soo jeediyeen in sidoodii ay ahaadaan Haayadaha dastuuriga ah ee dawliga ah iyo Guddiyada Digreetada lagu magacaabay.

Guddidu waxa kale oo ay sheegeen in Wasaaradaha iyo Haayadaha dawlada cusubi ay shaqayn doonaan 7:00 Subaxnimo illaa 2:00 galbnimo lixda bilood ee u horreeya dhismaha xukuumada cusub ka dibna labada gelinba la shaqayn doono.

Waxa shirkaasi jaraa´id hadalo ka soo jeediyay Guddoomiyihii Guddidan Md. Muuse Biixi Cabdi, Guddoomiye Ku Xigeenkii Guddidan Marwo Edna Aadan Ismaaciil, Dr. Maxamed Cabdi Gaboose iyo Dr. Xuseen Cabdilaahi Bulxan, waxaanay dhammaantood ka warameen ahmiyada ay leedahay in dalka laga hirgeliyo dawlad tayo leh oo kooban waxaanay tilmaameen in dawladii hore ay culays dhaqaale iyo mid nidaamba ku haysay dalka, waxaanay shacbiga ka dalbadeen inay taageeraan xukuumadan.

Xafiiska Warbaahinta KULMIYE
Hargeysa