Gudoomiyaha Urur Siyaasadeedka Qaran Dr Maxamed Cabdi Gaboose Oo Boqasho Ku Yimid Dalka Maraykanka
Washiongton Dc- Gudoomiyaha urur siyaasadeedka Qaran Dr Maxamed Cabdi Gaboose ayaa booqasho ku yimid dalka Maraykan todobaakan. Gudoomiyaha urur siyaasadeedka Qaran ayaa heer sare waxa ugu soo dhaweeyay magaalada Washington Dc taageerayaasha urur siyaasadeedka Qaran oo ay iskaashanayaan taageerayaasha xisbiga Kulmiye.
Dr. Maxamed Cabdi Gaboose, oo ka hor intii aanu ka soo dhoofin mgaalada Hargeysa u waramay warbaahinta, ayaa waxa uu sheegay in ujeedada socdaalkiisu salka ku hayso saddex qodob, “Ujeedada socdaalkaygu waa saddex qodob oo kala ah kulan aan la yeelan doono taageerayaasha Ururka QARAN, taageerayaasha KULMIYE oo aan isku soo xidhi doono iyo kulan aan la yeelan doono saraakiil ka tirsan Wasaaradda Arrimaha dibadda Maraykanka oo aanu Washington ku balansanahay.” Ayuu yidhi Dr. Maxamed Cabdi Gaboose, waxaanu sheegay inuu masuuliyiinta Maraykanka ah ee uu la kulmi doono kala hadli doono arrimo guud ahaan ku saabsan xaaladda dalka Somaliland. Urur siyaasadeedka QARAN iyo xisbigaKulmiye ayaa dhawaan heshiis iskaashi ah ku kala saxeexday magaalada Hargeysa waxaanu nuxurka heshiiskaasi ahaa in madaxda QARAN ololaha doorashada Madaxtooyada garab iyo gaashaanba isla barbar istaagaan xisbiga KULMIYE, xisbiga KULMIYE-na uu furo ururada siyaasiga ah, Insha ALLAAHU marka uu ku guulaysto doorashada madaxtinimo.
|
 |
 |
 |
| T | |