Xisbiga UDUB Oo Ku Fashilmay Inay qabsadaan Shirweynihii xisbigooda Ayaa Si Qarsoodi Ah U Qabanqaabinaya Shir Aqal Madow Loogu Yeedhayo Dad Gaar Ah.
| News | Edit Post I Visit www.kulmiye.org
Hargeysa, Somaliland (kulmiye.org)- Warar xogagaal ah oo aad loogu kalsoonyahay ayaa galabta noo xaqiijiyay in si hoos ahaan kaardhadh loo siiyay dad gaar ah oo ka soo qaybgalaya wax lagu tilmaamay inuu yahay shirweyne xisbiga UDUB uu ku dooranayo musharaxa madaxweyne iyo musharaxa madaxweyne ku xigeenka oo kala ah Dahir Rayaale Kaahin Iyo Axmed Yusuf Yasin
Wararkaas oo aanu ka helnay xubno sare sare oo ka tirsan xisbul xaakimka UDUB iyo madaxtooyadaba ayaa noo xaqiijiyey in si hoos ahaan ah loogu qaybiyey kaadhadh dad yar oo gaar ah loogu soo casumayo shirkaa qarsoodiga ah ee xisbiga UDUB.
Ilaha aanu ka helay xogtaas ayaa noo xaqiijayay in madaxweyne Rayaale yahay musharaxa kaliya ee madaxweynaha halka Axmed Yusuf Yasina yahay musharaxa madaxweyne ku xigeenka. Xubin ka tirsan golaha fulinta xisbiga UDUB oo ka gaabsada in magaciisa la sheego ayaa in si cadho leh noogu sheegay in arintani tahay cadaalad darro iyo shuruucdii xisbigan oo la baalmaray xisbiganina uu afduubanyahay Daahir Rayaale Kaahin iyo Bulaale oo u ku shaqaysanaayo. Xubintaas golaha fulinta UDUB ayaa noo xaqiijiyay wararka ay hayaan illa hada in Daahir Rayaale shirkaas ka yahay gudoomiye illa hadana cid isla sharxi kartaa aanay jirin.
“Waxay arintani ay ceeb weyn ku tahay shuruucdii iyo nidaamkii xisbiyada oo madaxweynuhu uu ku tumanayo xeerarkii xisbiga u yaalay, waxaanay ka soo horjeedaa xeerarka xisbiga UDUB iyo distoorka Somaliland-ba” Sida waxaa noo sheegay nin isku tilmaamay inuu ka tirsan yahay xisbiga isna golha fulinta xisbiga UDUB illa imikana aan helin wax casuumada ah. Xeerka xisbiga ayaa dhigaya in marka shirweyne la qabanayo ay tahay in la magacaabo guddi qabanqaabo oo madax banaan oo shaacisa mudada shirka la qabanayo, madasha iyo qaabka ay u dhacayso doorashada xisbiga dhexdiisa. Waxaa xeerka u yaal xisbiga UDUB uu dhigayaa in si sinaan iyo cadaalad ah loogu soo tartamo mansabyada musharaxnimada madaxweynaha iyo madaxweyne ku xigeenka xisbiga oo ay ka mid yihiin shakhsiyaadka isu soo taagi doona jagooyinka Madaxweynaha iyo Ku xigeenku.
Talaabadaas iyo falalkaas Madaxweynuhu ku kacaayo waxay xisbiga UDUB u horseedi kartaa burbur weyn oo kaga yimaada xubniha iyo taageerayaashaba . Madaxweyne Rayaale oo ay caado u tahay inaanu ku socon xeerarka dalka u yaal sida distoorka qaranka ayaa sida la wada ogyahay wax ka joojin kara talaabadan qarsoodiga ahna aanay jirin.
Axmed Dayr Jamac
Kulmiye.org, Hargeysa