Hargeysa (kulmiye.Org)- Guddida Doorashooyinka Somaliland iyo hoggaanka Xisbiga  KULMIYE ayaa kulan ay ku yeesheen Khamiistii Xarunta Guddida Doorashada waxay kaga wada hadleen arrimo la xidhiidha geeddi-socodka Doorashada iyo diyaar-garowgeeda.

Warsaxaafadeed uu soo saaray Xoghayaha guud ee KULMIYE Keyse Xasan Cige oo arrintan la xidhiidha, ayaa lagu sheegay in hoggaanka sare ee KULMIYE iyo Guddida Doorashadu ay ka wada hadleen gaar ahaan Kaadhadh ama Aqoonsi cusub oo la sheegay in dalka loo keenayo, si loogu galo Doorashada.

Warsaxaafadeedkaasi wuxuu u dhignaa sidan;

“Waxa maalintii khamiistii ee bishu ahayd 25 February, 2010 kulan ku yeeshay xarunta Komishanka Doorashooyinka Qaranka xubno ka tirsan Hoggaanka Xisbiga KULMIYE iyo Guddiga Doorashooyinka Qaranka.

Guddiga Doorashooyinka iyo Madaxda Xisbigu waxay ka wada hadleen halka uu marayo barnaamijka iyo hawlgalka arrimaha la xidhiidha doorashadda Madaxtooyadda. Guddiga Doorashooyinka Qaranku waxay faahfaahin ka bixiyeen xaaladda u diyaar garawga doorashada guud ahaan, waxaana ay tilmaameen inay qorshaha ugu jirto in dib u eegis lagu sameeyo kaadhadhkii diwaan-gelinta ee hore loo bixiyey, iyadoo lagu talo jiro in muwaadin kasta la siiyo kaadh cusub oo hor leh oo loogu bedelayo kii uu hore u qaatay, kadib marka uu soo saaro Server-ku Liiska kamadambaysta ah, taasoo ay Guddiga Doorashooyinku ku tilmaameen in lagu xakamaynayo Dadkii ku noqnoqday diwaangelinta.

Guddiga Doorashooyinku waxaa kale oo ay u sheegeen Madaxda Xisbiga KULMIYE inay sidoo kale ula socodsiiyeen qorshahani Madaxda kale ee labada Xisbi Qaran ee UDUB iyo UCID.

Guddiga Doorashooyinka Qaranku waxa kale oo ay tilmaameen in qorshahan ku saabsan bedelka kaadhadhka diwaangelinta ay u soo bandhigi doonaan Xisbiyada Qaranka isagoo tafatiran oo faahfaahsan.

Ugu danbayntii, Madaxda Xisbiga KULMIYE waxay garawsadeen sharaxaadda ay Guddiga Doorashooyinku ka bixiyeen qorshaha ay ugu talogaleen doorashadda.”

“Wasiir kasta iyo qof kasta oo loo yeedhaa waxa uu ku gabbanayaa Madaxweynaha, waxaasina waa gar-darro garab og”

Md. Axmed-Siilaanyo

Hargeysa (Jam)- Guddoomiyaha xisbiga mucaaradka ah ee KULMIYE Md. Axmed Maxamed Maxamuud (Siilaanyo), ayaa ku eedeeyey xukuumadda Madaxweyne Rayaale inay beryahan dambe sii labanlaabtay tacadiyo iyo dhibaatooyin kala duwan oo ay ku waxyeellanayso nolosha iyo karaamada ummadda Somaliland.

Guddoomiyaha KULMIYE oo shalay shir-jaraa’id ku qabtay xarunta dhexe ee xisbiga ee magaalada Hargeysa, waxa uu si kulul u cambaareeyey tallaabada wasiirka caafimaadku shaqada kaga eryey dhakhaatiirta waaweyn ee dalku u baahan yahay, kuwaasi oo uu sheegay in shaqo ka erigoodu ku salaysan tahay xukuumadda madaxweyne Rayaale iyo wasiirka caafimaadka oo u arkay in dhakhaatiirtaasi aanay la argti ahayn, isaga oo dhinaca kalena ka hadlay tallaabada wasiirka xannaanada xoolaha Somaliland ku diiday inuu horyimaado guddida dhaqaalaha golaha Wakiillada, arrintaasi oo uu ku tilmaamay inay tahay gef laga galay dastuurka iyo qaranimada dalka.

Warsaxaafadeed guddoomiyaha KULMIYE ka akhriyey shrkaasi jaraa’id, waxa uu isaga oo faahfaahsan u qornaa sidan; “Waxaanu doonaynaa inuu halkan dareenkayaga iyo mawqifkayaga kaga dhiibano arrimo dhawr ah oo maalmihii u dambeeyey dalka ka dhacay, arrimahaas oo ah tallaabooyin amma falal ay xukuumaddu ku kacday oo aanu u aragno gef, tacadi iyo dhibaato loo geysanayo nolosha iyo karaamada ummadda.

Arrimahaas waxa ka mid ah kooxo dhakhaatiir ah oo shaqada laga eryey horraantii toddobaadkan, kuwaasoo ay mid yihiin 11 dhakhtar oo ka hawlgeli jiray Cusbitaalka guud ee Hargeysa iyo weliba qaar kale oo badan oo ka hawlgeli jiray cusbitaallo kala duwan oo dalka ah, waxana ka mid ah dhakhaatiirta hore loo eryey maamulihii cusbitaalka guud ee Hargeysa Dr. Yaasiin Carab oo la ogyahay wuxuu ka qabtay Cusbitaalka Guud ee Hargeysa. Waxa kale oo xusid muddan in dhakhaatiirta la eryey ay ahaayeen kuwo muddo dheer ummadda ugu soo adeegayey si mutadawacnimo ah.

Sida aanu rumaysanahay amma ay sheegayaan warar xogogaal ah oo aanu haynaa dhakhaatiirtaa erigooda waxa ajburay sababo ay ka mid yihiin in aanay dhakhaatiirtaasi la aragti ahayn wasiirka caafimaadka iyo madaxda kalee xukuumadda madaxweyne Rayaale, sidaa darteedna erigooda la qallin-daraareeyey, iyadoo aan erigooda loo cuskan wax sharci ah iyo wax qiimayn ah oo shaqadooda la xidhiidha, waana xaaraan in dhakhaatiirta iyo dadka ka shaqeeya goobaha hal-bawlaha ah in aragti siyaasadeed amma waxa uu aaminsan yahay lagu eryo.

Gefka iyo tacadiga loo geystay xuquuqda shaqo ee kooxaha dhakhaatiirta ah waxa ka sii darran baahida caafimaad ee taal meelihii ay ka shaqayn jireen, meelahaas oo ay ku sugan yihiin boqolaal bukaan-jiif ah, iyadoo la ogyahay baahida ay ummaddu guud ahaan u qabto daryeel caafimaad. Taasi waxay muujinaysaa inaanay xukuumadda dalka ka jirtaa wax iyo muraad ah ka lahayn ummadda ee ay qofkii ummadda wax u tari lahaa ka door-biddayso qofka taageera xisbiga UDUB. Sidaa awgeed hadii aanu nahay xisbiga KULMIYE waanu canbaaraynaynaa, aadna way noo damaqday, tallaabooyinka ay xukuumaddu kula kacday adeegaayaashii caafimaadka dalka, waxaanuna ugu baaqaynaa xukuumadda madaxweyne Rayaale inay dib uga noqdaan talaabada caynkaas ah.

Waxa kaloo aanu halkan ku xusaynaa inuu xisbiga KULMIYE siyaasad cad ka leeyahay tayeynta adeegyada caafimaadka iyo kor-u-qaadidda daryeelka adeegayaasha caafimaadka, taasna waxaanu ku soo bandhigaynaa barnaamijkayaga.

Waxa kale oo ka mid ah arrimaha maalmahan u dambeeyey dhacay shir la sheegay inuu ka socdo Hotelka Ambassador ee magaalada Hargeysa, shirkaasna sida ay jaraa’idku qoreen ay xukuumaddu daadihinayso, ugu yaraan laba dareen amma arrimood ayaa ka dhashay oo ay ummaddu iswaydiinaysaa.

Marka hore waxa la sheegay in shirkaa lagaga hadlayo caawimooyinka ay beesha caalamku siinayso Somaliland, taasoo la sheegay in labadii sannadood ee ina dhaafay ee 2008 iyo 2009 ay beeshu caalamku Somaliland soo gaadhsiisay dhaqaale gaadhaya 216 milyan oo dollarka Maraykanka ah, dhaqaalaha intaa le’eg-na waxay ummaddu iswaydiinaysaa halkuu galay iyo waxa ummadda loogu qabtay, iyadoo xukuumaddu hore u sheegtay markii dhaqaalahaa la qoondaynayey sannadkii 2008 in dhaqaalahaa la gelin doono dhinacyada horumarinta iyo adeegyada bulshada, loona maamuli doono si waadaxa oo xisaabtan leh (Transparency). Haseyeeshee, waxaynu ognahay baahida adeeg, dayaca nololeed iyo horumar la’aanta haysa bulshada reer Somaliland, dhaqaalaha intaa le’egna waxaannu u aragnaa inuu wax badan dabooli lahaa hadduu yahay wax waddanka galay, sidaa darteed xukuumadda madaxweyne Rayaale waa inay ummadda ka qanciso meesha uu dhaqaalahaasi galay iyo sida loo maamulay, iyadoo xisbiga KULMIYE si weyn diiradda ugu hayo, siyaasad cadna ka leeyahay kobcinta dhaqaalaha dalka iyo kor-u-qaadidda heerka nololeed ee bulshada, taasna waxaanu ku soo bandhigi doonaa barnaamijka waxqabad ee xisbiga. .

Sida ay qoreen jaraa’idka qaarkood waxa kale oo ka mid ah wararka soo baxaya shirkaas in lagaga hadlay arrimo dareen iyo guux dhaliyey oo ku saabsan qaddiyadda madaxbannaanida Somaliland, taasoo la sheegay in madasha shirka lagaga tiraabay inay Somaliland tahay gobol ka mid ah Somaliya, taasna xukuumaddu ilaa hadda wax jawaab ah kama bixin. Mana caddayn mawqifka ay ka taagan tahay aragtida caynkaas ah, sidaa darteed xukuumadda madaxweyne Rayaale ee shirka daadihinaysa waxa looga fadhiyaa inay caddayso mawqifkeeda arintaa ku saabsan.

Waxa kale oo ka mid ah arrimaha maalmahan dhacay ee sida weyn noo damqay arrin Axaddii ka dhacday magaalada Tog-wajaale, taasoo ah inay boolisku si xun u garaaceen, kadibna xabsiga u taxaabeen nin laxaadla’ oo curyaan ah, ninkaas oo ah nin dhallinyaro, magaciisana la yidhaa Faarax Axmed Maxamed. Waxa la sheegay in sababta loo garaacay, xabsigana loogu taxaabay tahay laba arrimood; ta hore maqaal uu ku qoray wargeyska Geeska Afrika oo uu kaga cabanayo tacadiyo hore bilaysku ugu geysteen iyo ta labaad oo ah inuu ka mid yahay taageerayaasha xisbiga KULMIYE. Sidaa darteed, aad iyo aad baanu xisbi ahaan u canbaaraynaynaa falkaa tacadiga ah ee bilaysku kula kacay ninkaa curyaanka ah, waxaanuna taliyaha bilayska Somaliland uga fadhinnaa inuu ummadda u sheego sababta ay waxaasi u dhaceen, waana ka digaynaa inay falal caynkaas oo kale ah dib u dhacaan, iyadoo ay had iyo goor taageerayaasha xisbiyada mucaaradka iyo guud ahaanba dadka muwaadiniinta ah ee reer Somaliland kala kulmaan maamulayaasha xukuumadda Rayaale falal tacadiya oo ay ka mid yihiin; haddidaad, xadhig, cabudhin iyo dhibaatooyin kale, waxyaabahaasna haddii xukuumaddu ka waantoobi waydo, waxay keeni doontaa cawaaqib-xun, mana aha wax loo dulqaaddan karo.

Guddoomiyaha xisbiga mucaaridka ah ee KULMIYE Md. Axmed Maxamed Maxamuud (Siilaanyo) oo shirkaas jaraaa’id lagu weydiiyey sida uu u arko muranka ka dhex taagan guddiga dhaqaalaha ee Golaha Wakiillada iyo Wasiirka Xannaanada Xoolaha, waxa uu ku jawaabay; “Waxa jira in maamulka dalka ka jiraa ay sharciyaddii iyo distoorkii dalka ku tunteen, isla markaana ay doonayaan inay karaamada ka qaadan golayaasha sharci-dejinta ee uu ka mid yahay Golaha Wakiilladu, waxaynu ogeyn ciidankii la dul geeyey Golaha Wakiillada iyo waxyaabihii lagu sameeyey Golaha Guurtida, waxyaabahaasina waa sharci-darro iyo karaamo-darrada xukuumadda maanta jirta.

Guddiga Dhaqaalaha iyo Golaha Wakiillada waxay xaq u leeyihiin inay wasiirka iyo qofkasta oo qaranka u shaqeeya u yeedhaan oo ay hawshiisa iyo xilka qaranka ee uu hayo waa waajib distoori ah, wasiir kasta iyo qof kasta oo loo yeedhaanna waxa uu ku gabbanayaa Madaxweynaha, waxaasina waa gar-darro garab og. Arrintaasina waxaannu u aragnaa mid ay Rayaale iyo xukuumaddiisa aad iyo aad ugu khaldan yihiin, waanna gef ay ka galayaan qarannimada, Baarlamaanka [Guurtida iyo Wakiillada] iyo sharciyaddii dalka u taalay.”

Waxa kale oo Guddoomiyaha la waydiiyaan in xisbigiisu leeyahay siyaasad iyo hay’ad dabagal ku sameysan, isla markaana u doodda dadka tacadiyada iyo dhibaatooyinku ka soo gaadhaan taageerada xisbiga u hayaan, isaga arrintaa jawaabayana waxa uu yidhi; “Runtii waxa weeye dadka tacadiga loogu geysto taageerada xisbiga KULMIYE aad baannu ugu doodnaa, isla markaana uga warhaynaa oo waa nagaa iminkaba ka hadlayna ninkaa curyaanka ah ee lagu xidhay Wajaale, qoraallo aannu ka ururinaana way jiraan, laakiin haddana qaar na seegay way jiraan oo iminka liis aannu soo daabacno oo noo qorani ma jiro, balse haddaanu faylashayadii dib u baadhno waannu ka helaynaa dadkii dhibaatada loo geystay, marar badanna waannu ka hadlanaa oo waannu u doodnaa, wixii taageero itaalkayaga ahna waannu ka tarnaa, laakiin waxaan xataa kuwa aan ka taageersanayn markay dhibaatooyin soo gaadhaan waannu u doodnaa hadday saxaafadda, ganacsatada xoolaha iyo bulshada qaybaheeda kala duwan, kuwa la xidho iyo kuwa tacadiyada loo geystaba waannu u doodnaa.”

Jamhuuriya Online

Hargeysa (kulmiye.org)- Guddoomiyaha Xisbiga Mucaaradka ah ee KULMIYE Axmed Maxamed Maxamuud (Siilaanyo), ayaa cambaareeyay tallaabada uu Wasiirka Caafimaadku xilkii ay hayeen kaga eryay 11 Dhakhtar oo ka mid ah kuwa ugu caansan dalka, waxaanu sheegay in shaki ku gedaaman yahay Shir Saxaafadda loo diiday oo dhex maray Qaadhaan-bixiyayaasha Caalamiga ah iyo Xukuumadda.

Guddoomiyaha Xisbiga KULMIYE oo shir-jaraa’id oo uu maanta ku qabtay Xarunta Xisbigaas ka akhriyay Qoraal uu ku saxeexan yahay Guddoomiyuhu, ayaa sidoo kale ka hadlay tallaabo ay Ciidamada Degmada Tog-wajaale ee Xuduudka Somaliland iyo Itoobiya kula kaceen Wiil Curyaan ah oo la sheegay in uu Xisbiga KULMIYE taageero.

Qoraalkaas oo dhamaystirani wuxuu u dhignaa sidan;

“Maanta waxaanu doonaynaa inuu halkan dareenkayaga iyo mawqifkayaga kaga dhiibo arimo dhawr ah oo maalmihii u dambeeyey dalka  ka dhacay, arimahaas oo ah talaabooyin ama falal ay xukuumaddu ku kacday oo aanu u aragno gef, tacadi iyo dhibaato loo geysanayo nolosha iyo karaamada ummadda.

Arimahaa waxa ka mid ah kooxo dhakhaatiir ah oo shaqada laga eryey horaantii toddobaadkan, kuwaas oo ay  mid yihiin 11 dhakhtar oo ka hawl-geli jiray Cusbitaalka guud ee Hargeysa  iyo  weliba qaar kale oo badan oo ka hawl-geli jiray cusbitaallo kala duwan oo dalka ah, waxaana ka mid ah dhakhaatiirta hore loo eryey maamulihii cusbitaalka guud ee Hargeysa Dr. Yaasiin Carab oo la ogyahay waxa uu ka qabtay cusbitaalka guud ee Hargeysa. Waxa kale oo xusid muddan in dhakhaatiirta la eryey ay ahaayeen kuwo muddo dheer ummadda ugu soo adeegayey si mutadawacnimo ah.

Sida aanu rumaysanahay ama ay sheegayaan warar xog-ogaal ah oo aanu haynaa dhakhaatiirtaa erigooda waxa  Aj-buray sababo ay ka mid yihiin inaanay dhakhaatiirtaasi la aragti ahayn wasiirka caafimaadka iyo madaxda kale ee xukuumadda madaxweyne Rayaale, sidaa darteedna erigooda la qallin daraareeyey, iyadoo aan erigooda loo cuskan wax sharci ah iyo wax qiimayn ah oo shaqadooda la xidhiidha, waana xaaraan in dhakhaatiirta iyo dadka ka shaqeeya goobaha hal-bawlaha ah in aragti siyaasadeed ama waxa uu aaminsan yahay lagu eryo.

Gefka iyo tacadiga loo geystay xuquuqda shaqo ee kooxaha dhakhaatiirta ah waxa ka sii darran baahida caafimaad ee taala meelihii ay ka shaqayn jireen, meelahaas  oo ay ku sugan yihiin boqolaal bukaan jiif ahi, iyadoo la ogyahay baahida ay ummaddu guud ahaan u qabto daryeel caafimaad. Taasi waxay muujinaysaa inaanay xukuumadda dalka ka jirtaa wax iyo muraad ah ka lahayn ummadda ee ay qofkii ummadda wax u tari lahaa ka door-biddayso qofka  taageera  xisbiga UDUB. Sidaa awgeed hadii aanu nahay xisbiga KULMIYE waanu canbaaraynaynaa, aadna way noo damaq-day, talaabooyinka ay xukuumaddu kula kacday adeegaayaashii caafimaadka dalka, waxaanuna ugu baaqaynaa xukuumadda madaxweyne Rayaale inay dib uga noqdaan talaabada caynkaas ah.

Waxa kale oo aanu halkan ku xusaynaa inuu xisbiga KULMIYE siyaasad cad ka leeyahay tayeynta adeegyada caafimaadka iyo kor u qaadida daryeelka adeegayaasha caafimaadka, taasna waxaanu ku soo bandhigaynaa barnaamijkayaga.

Waxa kale oo ka mid ah arimaha maalmahan u dambeeyey dhacay, shir la sheegay inuu ka socdo Hotelka Ambassaddor ee magaalada Hargeysa, shirkaasna sida ay jaraa’idku qoreen ay xukuumaddu daadihinayso, ugu yaraan laba dareen  ama arimood ayaa ka dhashay oo ay ummaddu iswaydiinaysaa.

Marka hore waxa la sheegay in shirkaa lagaga hadlayo caawimooyinka ay beesha caalamku siinayso Somaliland, taas oo la sheegay in labadii sannadood ee ina dhaafay ee 2008 iyo 2009 ay beeshu caalamku Somaliland soo gaadhsiisay dhaqaale gaadhaya 216 Milyan oo dollarka Maraykanka ah, dhaqaalaha intaa le’eg-na waxay ummaddu iswaydiinaysaa halka uu galay iyo waxa ummadda loogu qabtay, iyadoo ay xukuumaddu hore u sheegtay markii dhaqaalahaa la qoondaynayey sannadkii 2008 in dhaqaalahaa la gelin doono dhinacyada horumarinta iyo adeegyada bulshada, loona maamuli doono si waadaxa oo xisaabtan leh (Transparency). Hase yeeshee waxaynu ognahay baahida adeeg, dayaca nololeed iyo horumar la’aanta haysa bulshada reer Somaliland, dhaqaalaha intaa le’egna waxaanu u aragnaa inuu wax badan dabooli lahaa hadii uu yahay wax waddanka galay, sidaa darteed xukuumadda madaxweyne Rayaale waa inay ummadda ka qanciso meesha uu dhaqaalahaasi galay iyo sida loo maamulay, iyadoo uu xisbiga KULMIYE si weyn diiradda ugu hayo, siyaasad cad-na ka leeyahay kob-cinta dhaqaalaha dalka iyo kor u qaadida heerka nololeed ee bulshada, taasna waxaanu ku soo bandhigi doonaa barnaamijka wax-qabad ee xisbiga.    .

Sida ay qoreen jaraa’idka qaarkood waxa kale oo ka mid ah wararka soo  baxaya shirkaa in lagaga hadlay arimo dareen iyo guux dhaliyey oo ku saabsan qaddiyadda madax-banaanida Somaliland, taas oo la sheegay in madasha shirka lagaga tiraabay inay Somaliland tahay gobol ka mid ah Somaliya, taasna xukuumaddu ilaa hadda wax jawaab ah kama bixin. Mana caddayn mawqifka ay ka taagan tahay aragtida caynkaas ah, sidaa darteed xukuumadda madaxweyne Rayaale ee shirka daadihinaysa waxa looga fadhiyaa inay caddayso mawqifkeeda arintaa ku saabsan.

Waxa kale oo ka mid ah arimaha maalmahan dhacay ee sida weyn noo dam-qay arin Axaddii doraad ka dhacday magaalada Tog-wajaale, taas oo ah inay boolisku si xun u garaaceen, ka dibna xabsiga u taxaabeen nin laxaadla’ oo curyaan ah, ninkaas oo ah nin dhalinyaro ah, magaciisana la yidhaahdo Faarax Axmed Maxamed, waxa la sheegay in saababta loo garaacay, xabsigana loogu taxaabay tahay laba arimood, ta hore maqaal uu ku qoray wargeyska Geeska Afrika oo uu kaga cabanayo tacadiyo ay hore bilaysku ugu geysteen iyo ta labaad oo ah inuu ka mid yahay taageerayaasha xisbiga KULMIYE. Sidaa darteed aad iyo aad baanu xisbi ahaan u canbaaraynaynaa falkaa tacadiga ah ee bilaysku kula kacay ninkaa curyaanka ah, waxaanuna taliyaha bilayska Somaliland uga fadhinnaa inuu ummadda u sheego sababta ay waxaasi u dhaceen, waana ka digaynaa inay falal caynkaas oo kale ahi dib u dhacaan, iyadoo ay  had iyo goor taageerayaasha xisbiyada mucaaradka iyo guud ahaan-ba dadka muwaadiniinta ah ee reer Somaliland kala kulmaan maamulayaasha xukuumadda Ina Rayaale falal tacadiya oo ay ka mid yihiin: hadidaad, xadhig, cabudhin iyo dhibaatooyin kale, waxyaalahaasna hadii ay xukuumaddu ka waantoobi waydo, waxay keeni doontaa cawaaqib-xun, mana aha wax loo dul-qaaddan karo.”

Shir waynihii labaad ee garabka xisbiga kulmiye ee dalka australia oo saddexdi bilodba mar la iskugu yimaado ayaa maanta oo bishu tahay 14th,feb,2010. la iskugu yimi xarunta dhexe ee xisbigu ku leeyahay magaalada Sydney, waxaana ka so qaybgalay 63 xubnood oo isugu jira musuuliyiinta iyo taageerayaasha xisbiga ee  kala  degen magaalada sydney iyo hareereheeda iyadoo ay wakiilo iyaga metela soo dir sadeen xubnaha ku dhaqan gobolada fogfog ee aan iyagu soo gaadhi karin shirwaynaha saddex bilood laha ah ee xisbiga.

shirkan oo si heer sare ah loo soo agaasimay ayaa ugu horayn warbixino lagaga dhegaystay golaha fulinta iyo gudiga joogtada ah oo ka war bixiyay habsami u socodka hawlaha xisbiga iyo caqabadihii soo foodsaaray mudadii saddexda bilood ahayd ee ay kala maqnaayeen iyo sidii loo xalyay, waxaanay soo hordhigeen geedisocodka hawlaha la damacsan yahay in la fuliyo mustaqbalka dhaw iyo horumarinta xisbiga kulmiye oo ay garabkani markasta hiil iyo hooba la garab taagan yihiin iyo talaabooyinka mudan in hore loo qaado.

gudoomiyaha kulmiye ee Australia Mr; Mustafe Axmed Sh. Cismaan oo isna shirkan ka hadlay ayaa ka warbixiyay xaalada uu marayo dalkii hooyo iyo guulaha uu gaadhay xisbiga kulmiye dalkii gudihiisa iyo siyaasada arimaha dibaddaba waxaanu ku dheeraaday safarkii ay dhawaantay madaxda xisbiga kulmiye ee uu hogaaminayay gudoomiyaha kulmiye ahna musharaxa madaxwayne ee xisbiga mudane Axmed maxamed maxamuud (silaanyo) iyo xoghayaha arimaha dibada ee kulmiye Dr, maxamed c/laahi cumar, ee ay ku tageen cariga maraykanka oo ay kula soo kulmeen madax sare oo dawlada maraykanka iyo goleyaasheedaba ka tirsan isla markaana ay kala so hadleen arimo guul u ah guud ahaan somaliland gaar ahaana xisbiga kulmiye, safarkaasi oo dhabarjab ku noqday cadawga somaliland, UDUB IYO XUKUUMADA RIYAALEBA, halka uu guul iyo horumar u so hoyay inta jecel dimuqraadiyada iyo nabad kuwada noolaanshaha,

Mr. mustafe gudoomiyaha kulmiye ee australia isagoo hadalkiisa sii wata ayuu intaa raaciyay halka ay marayso hawshii doo rashooyinka iyo in gudigii doorashooyinku wali gacanta ku hayaa servar kii waday hawsha kala shaandhaynta diiwaangalinta isla markaana ay qorteen shaqaale cusub oo ka hawl gali doona doorasha taasina ay ku tusayso in la dhaqaajiyay shaqadii fududayn lahayd in doorasho la galo himilada koowaad ee xisbiga kulmiye leeyahayna ay tahay in la galo doorasho xoriyo xalaal ah sidaa aawadeedna looga baahan yahay qurbo jooga reer kulmiye inay guntiga dhiisha iskaga dhigaan oo ay muujiyaan cududooda iyo taageeradooda sidii ay dhawaantaba u muujiyeen dadka reer hargeisa ee sharafta lihi markii oo soo dhawaynayeen mudane  axmed silaanyo,

gudoomiye mustafe oo shirkaasi u soo xidhay masuuliyiinta iyo taageerayaashan ayaa kula dardaarmay inay ilaaliyaan midnimada iyo isku duubnaanta kana foojignaadaan waxyeelada cadawga xisbiga iyo kan s/landba, lagana war hayo xaalada dalkii hooyo iyo meesha ay wax marayaan si ay u fududaato waxtarka qurbajoogtu,

waxaanu hadalkiisa ku soo gumaanaday in la sameeyo gudi gaar ah oo u qaabilsan media ha iyo xidhiidhada caalamiga ah.

c/casiis ibraahim mohamed

Secretry of Kulmiye office- Sydney

Hargeysa (Kulmiye.Org)- Guddida Doorashada Somaliland ayaa maanta ka warbixiyay halkay u marayaan hawlaha diyaar-garowga Doorashadu.

Afhayeenka Guddidan Maxamed Axmed Xirsi (Geelle) oo maanta shir-jaraa’id ku qabtay Hargeysa, ayaa sheegay in ay qaateen shaqaale cusub oo ilaa dhawr iyo toban qof.

Afhayeenku waxa kale oo uu sheegay in ay dalka yimaadeen khuburadii kala-shaandhaynta agabka kaydinta Liiska cod-bixiyayaasha Doorashada, waxaanu sheegay in ay hawshaa bilaabeen, isla markaana ay qaadan doonto muddo saddex bilood ah. “Khuburadaasi dalka way yimaadeen, hawshana way bilaabeen, isla markaana waxay noo sheegeen inay muddo saddex bilood ah qaadan doonto hawshaasi.” Ayuu yidhi Mr. Geelle.

Waxa kale oo uu sheegay in dalka lagu soo celiyay xogtii Diiwaangelinta oo hore loogu qaaday dalka Kenya, magaalada Nairobi, taas oo uu tilmaamay inay hadda gacanta ku hayaan. “Xogtaas waanu haynaa, waxaana naloo soo gudbiyay iyaga oo ay goob-joog ka yihiin Axsaabtu.” Ayuu yidhi Afhayeenku.

Waxyaabaha kale ee uu ka hadlay Afhayeenku waxa ka mid ahayd; arrinta ku dhawaaqista natiijada hordhaca ah ee Diiwaangelinta, taas oo uu sheegay in ay si waadix ah u shaacin doonaan oo ay Bulshada u gudbin doonaan. Waxaanu intaa ku daray in ay maanta u amba-baxayaan gobollada dalka, si ay u soo dhisaan guddidii gobollada ee Doorashada.

February 10th, 2010 Comments Off

Hargeysa (Somaliland.Org)- Guddida Doorashada Somaliland ayaa maanta ka warbixiyay halkay u marayaan hawlaha diyaar-garowga Doorashadu.

Afhayeenka Guddidan Maxamed Axmed Xirsi (Geelle) oo maanta shir-jaraa’id ku qabtay Hargeysa, ayaa sheegay in ay qaateen shaqaale cusub oo ilaa dhawr iyo toban qof.

Afhayeenku waxa kale oo uu sheegay in ay dalka yimaadeen khuburadii kala-shaandhaynta agabka kaydinta Liiska cod-bixiyayaasha Doorashada, waxaanu sheegay in ay hawshaa bilaabeen, isla markaana ay qaadan doonto muddo saddex bilood ah. “Khuburadaasi dalka way yimaadeen, hawshana way bilaabeen, isla markaana waxay noo sheegeen inay muddo saddex bilood ah qaadan doonto hawshaasi.” Ayuu yidhi Mr. Geelle.

Waxa kale oo uu sheegay in dalka lagu soo celiyay xogtii Diiwaangelinta oo hore loogu qaaday dalka Kenya, magaalada Nairobi, taas oo uu tilmaamay inay hadda gacanta ku hayaan. “Xogtaas waanu haynaa, waxaana naloo soo gudbiyay iyaga oo ay goob-joog ka yihiin Axsaabtu.” Ayuu yidhi Afhayeenku.

Waxyaabaha kale ee uu ka hadlay Afhayeenku waxa ka mid ahayd; arrinta ku dhawaaqista natiijada hordhaca ah ee Diiwaangelinta, taas oo uu sheegay in ay si waadix ah u shaacin doonaan oo ay Bulshada u gudbin doonaan. Waxaanu intaa ku daray in ay maanta u amba-baxayaan gobollada dalka, si ay u soo dhisaan guddidii gobollada ee Doorashada.

Xoghayaha Arrimaha Dibadda ee Xisbiga KUMIYE, Dr. Maxamed Cabdillaahi Cumar, ayaa isagoo ku hadlaya magaciisa, ka xisbiga iyo ka qoykiisaba wuxuu tacsi u dirayaa Mujaahid Axmed Cumar Faarax “Jaray” oo inankiisii Cabdiraxiim Axmed Cumar uu shalay shil gaadhi ku geeriyooday isagoo jooga Abudabay.

Wuxuu Xoghayuhu isagoo ka tiiraanyaysan ilaahay uga baryayaa inuu marxuunka jannadii ka waraabiyo, dhamman eheladii uu ifka kaga tagayna samir iyo iimaan ka siiyo.

Waftigii Uu Hogaaminayo Gud. Ku-xigeenka Koowaad Ee Baarlamaanka Somaliland Oo Ka Qayb Galay Shirka Common Wealthka Ee London Ka Socda.

Gud. Ku-xigeenka koowaad ee Golaha Wakiilada Somaliland mudane C/casiis Maxamed Samaale iyo wafti uu hogaaminayo ayaa si rasmiya loogu casuumay shirka wadamada Common Wealthka oo haatan si rasmiya uga socda magaalada London. Shrika waxaa ka qayb galay ilaa 40 dawladood oo dhamaantood xubno ka ah Common Wealthka.

Waxa ka mid ah waftiga Gud. Xigeenka la socda mudane Aadan Tarabi Oogle oo ah xubin ka mida ah Golaha Wakiilada isla markaana kasoo baxay xisbiga Udub. Aadan waa Gudoomiyaha Guddida la dagaalanka musuq-maasuqa ee Golaha Wakiilada.

Muhhimada ugu weyn ee shirkani waxay ahayd Dhisida Nabadgelyada iyo Xalinta Mashaakilaadka  wadamada xubnaha ka ah ururkan. Intii uu shirku socday waxaa laga hadlay dhibaatootinka ka jira wadamada qaarkood iyo sidii loo xalin lahaa arrimahaasi.

Wafiga Somaliland waxay xalay qado sharaf loogu sameeyay magaalada Belfast ee gobolka Waqooyiga Ireland. Waxa waftiga si rasmiya u qaabilay isla mraka khudbad ka jeediyay hoolka shirarka ee Dawlad goboleedka Waqooyiga Ireland gudoomiyaha Golaha Waqooyiga Ireland mudane William Hay MLA Speaker of Northern Ireland Assembly.

Waftigu waxa ay joogi doonaan waqooyiga Ireland mudo laba cisho ah. Waxaana la filayaa marka uu shirka u dhmmaado inay kulamo gaar gaar ah la yeelan doonaan masuuliyin ka tirsan baarlamaanka Britain iyo masuulyiin kaleba

Sawirada shirka London iyo hawlahii ay ka soo qabteen  waqooyiga Ireland dhawaan ayaa la soo gudbin doonaa. Waxa kale oo laga heli karaa websiteka Notrthern Ireland Assemly.

HARGEISA, Somaliland (Somaliland Globe)- The Secretary General of Somaliland’s ruling party, Jama Yassin Farah, said on Sunday the opposition KULMIYE party leader, Ahmed Mohamed Mohamoud Silanyo should not be welcomed because of his meeting with Congressman Donald Payne whom he described as “enemy of Somaliland”.

Mr. Farah who is famously referred to as Jug-soo-dhacay (He-Who-Landed-With-a-Thud), have made the crude remarks while on a visit to Erigavo, the regional capital of Sanag. He lambasted the Congressman by calling the state- controlled Radio Hargeisa to say that “the man [Silanyo] who shook hands with Somaliland’s enemy should not be welcomed”on his return from the United States.

Earlier, a junior Vice-Minister of Foreign Affairs, Ahmed Adan Ismail, made a similar remarks about the Congressman by describing him as “enemy of Somaliland”, which drew angry reactions from senior figures of the opposition parties. The Vice Minister also said Silanyo should not be allowed to return back to Somaliland unless he is granted amnesty by the government [president] because of his meeting with Donald Payne.

On Sunday, thousands of KULMIYE supporters turn out in show of force to welcome their hero, Ahmed Silanyo, with open hands. It was a clear testimony that the public were “astounded” and “disgusted” by the remarks made by senior government officials about Silanyo and the Congressman.

“I am greatly pleased the warm reception I have received from the thousands of people who have gathered here today. I have been working hard to promote

Somaliland’s quest for recognition as an independent and sovereign state,” said Silanyo

“Donald Payne is the only US Congressman who came to Somaliland. He is not an enemy of Somaliland. On the contrary he is a friend of Somaliland,” added Silanyo

The KULMIYE leader, Ahmed Silanyo, went to the United States in early January for a short visit where he met with Donald Payne, Congressman from New Jersey who is also Chairman Subcommittee on Africa and Global Health.

Rayale’s government had rejected to participate in a meeting on Somalia arranged by the Congressman last year. The Somaliland foreign minister, Abdillahi Duale, initially accepted the invitation but later rejected to be part of the panel with the president of Puntland and the TFG. The Somaliland government requested for a separate panel.

The Subcommitte found that arrangement unacceptable and defeats the purpose of the hearing.

Somaliland, a former British protectorate, got its independence from Britain on 26 June 1961 and entered an unratified union with Italian administered Somalia in July 1960. Somaliland had remained this unratified union with Somalia for more than 30 years.

On 18 May 2009, the self declared republic of Somaliland marked 18 years since it proclaimed independence from Somalia. Although its sovereignty is still unrecognised by any country, the fact that it is a viable, functioning constitutional democracy distinguishes it from Somal

Source/ Somaliland Globe

Hargeysa (Kulmiye.Org)- Xisbiga Mucaaradka ah ee KULMIYE, ayaa Bulshada ku dhaqan Gobolka Maroodi-jeex uga mahad-naqay soo-dhawayntii Guddoomiyaha XIsbigaas ee shalay, waxaanay Xukuumadda ugu baaqeen inay u dhug-yeelato rabitaanka Bulshada.

Warsaxaafadeed uu Xoghayaha guud ee Xisbiga KULMIYE Keyse Xasan Cige ku saxeexan yahay, ayaa Bulshada looga mahad-celiyay qaabkii iyo maamuuskii soo-dhawaynta Guddoomiyaha KULMIYE Axmed Maxamed Maxamuud (Siilaanyo).

Warsaxaafadeedkaas oo dhamaystirani wuxuu u dhignaa sidan;

“Waxaa Hoggaanka Xisbiga Kulmiye aad ugu mahadnaqayaa dhammaan taageerayaasha iyo guud ahaan shacabweynaha degan magaala madaxada ee Hargeysa sidii diirraneyd ee ay u soo dhoweeyeen Guddoomiyaha Xisbiga, isla markaana ah Musharaxa Madaxweynah Mudane Axmad Maxamad Siilaayo kadib markii uu kasoo laabtay socdaal uu ku tegay dalka Maraykanka oo laga casuumay.

Wuxuu hoggaanka Xisbigu aad ugu riyaaqay sida sharafta iyo maamuusku ka muuqday ee shacabweynuhu ay isugu soo baxeen suuqyada iyo wadooyinka magaalada iyadoo lulaya calamo iyo caleemo qoyan kuna dhawaaqaya eryo iyo hadalo soo dhoweyna. Wuxuuna isu soo baxaasi noo caddaynayaa kalsoonida iyo taageerada uu shacabka Somaliland u hayo Xisbiga iyo hoggaankiisa. Waxaanu aad ugu rajaweynahay inuu shacabweynuhu diyaar ula yahay codkiisa inuu siiyo Hoggamiyaha Xisbiga Kulmiye Mudane Axmad Maxamad Siilaanyo.

Ugu dambeyntii waxaanu ku boorinaynaa xukuumada iyo Xisbiga tala haya ee Udub inay dhageystaan oo ixtiraamaan dareenka iyo dhawaaqa bulshada.”

Hargeysa (Somaliland.Org)- Guddoomiyaha Xisbiga Mucaaradka ah ee KULMIYE Axmed Maxamed Maxamuud (Siilaanyo), ayaa maanta si ballaadhan loogu soo dhaweeyay Madaarka Hargeysa, ka dib markii uu socdaal kaga soo laabtay dalalka Maraykanka iyo Itoobiya oo uu soo maray.

Kumannaan dadweyne ah ayaa maanta kala xidhay Jidadka Magaalada, isla markaana waxa guud ahaanba maanta joogsaday dhaqdhaqaaqyada Gaadiidka, marka laga reebo kuwa ka qayb-qaadanayay soo-dhawaynta Guddoomiyaha KULMIYE, kuwaas oo qiyaastii dhawr boqol oo Gaadhi tiradoodu gaadhaysay.  

Taageerayaasha Xisbiga iyo Masuuliyiinta Xisbigaas ayaa loo diiday inay ka ag-dhawaadaan Garoonka Diyaaradaha, marka laga reebo hoggaanka sare ee Xisbiyada UCID iyo KULMIYE oo halkaas loo sii daayay. Ciidanka Booliska ayaa dadweynaha ku hortaagnaa Jidka hore ee laga galo Albaabka u horreeya ee Madaarka, halka Ciidamo kalena la dhigay Jidadka badhtamaha magaalada dhinacyadooda.

Jidka hormara Madaxtooyada ayaa guud ahaanba maanta la xidhay, waxaana halkaa la dhoobay Ciidan Boolis ah iyo Gaadiidkoodii oo lagu jaray.

Soo-dhawayn xamaasadi ku dheehnayd oo aan hore loo arag oo lagala hortegay Guddoomiyaha KULMIYE ka dib, waxa Axmed-Siilaanyo loo gelbiyay Xarunta dhexe ee Xisbiga, halkaas oo uu kula hadlay dadweynaha iyo Warbaahintaba.

Guddoomiyaha KULMIYE wuxuu bulshada uga mahad-naqay soo-dhawaynta ay u sameeyeen oo uu sheegay inay si gaar ah u taabatay. “Waxa aad iyo aad ii taabatay soo-dhawaynta qiimaha leh ee ay shacabkaygu ilaa intii aan Madaarka ka soo socday aad ii soo dhawayseen, waxaanan ku maqnaa danaha Somaliland iyo qaddiyaddeena Aqoonsiga waxtar u leh, hase ahaatee, wixii faahfaahin ah dib baanu idiinka soo bandhigi doonaa.” Ayuu ku yidhi Axmed-Siilaanyo hadalkiisii.

Mar Guddoomiyaha wax laga waydiiyay dhawaaq xukuumaddu hore ugu sheegtay in aan dalka soo geli karin intii uu safarka ku maqnaa, wuu ka gaabsaday oo wuxuu sheegay in aanu ka hadlaynin.

Somaliland.Org

Hargeisa News Desk