July 8th, 2008

Hargeysa (Somaliland.org) – Guddoomiyaha Xisbiga mucaaridka ugu weyn ee KULMIYE, Axmed Maxamed Siilaanyo ayaa cambaareeyey xoogga milateri ee xukuumaddu ku isticmaashay dadka shacabka ah ee mudaharaadka shaqaaqada leh ka sameeyey magaalada Hargeysa shalay iyo weliba sida ay u maamushay arrinta dhalisay gadoodka, isaga oo dhinaca kalena dadka muddaharaadayey ugu baaqay inay isdejiyaan, soona celinayaan xasiloonida iyo degganaanshaha.

Guddoomiyaha Xisbiga KULMIYE, Axmed Siilaanyo oo maanta shir jaraa’id ku qabtay xarunta dhexe ee xisbiga KULMIYE, magaalada Hargeysa, isaga oo ku hadlaya afka xisbiga waxa uu ugu horrayn sheegay in xisbiga Kulmiye uu aad uga xun yahay waxa ka dhacay magaalada Hargeysa, gaar ahaan dhimashada iyo dhaawaca dadka ka soo gaadhey muddaharaadka, khasaaraha dhaqaale iyo khalkhalka nabadgelyo ee guud ahaan magaalada soo gaadhey. Waxana uu tacsi u diray qoysaskii ay ka baxeen saddexda qof ee ku dhintay mudaharaadkaas rabshadda watey, isaga oo Illaahay uga baryey inuu samir iyo iimaan ka siiyo, marxuumiintana jannadii ka waraabiyo. Waxa kale oo uu u duceeyey in Illaahay caafimaad degdeg ah siiyo dadka iyaguna ku dhaawacmay shaqaaqadaas.

Guddoomiye Axmed Siilaanyo isaga oo ka hadlaya sida uu u arko shaqaaqadaas, waxa uu yidhi, “Arrintaasi waxaanu u aragnaa siday u dhacday iyadoo marka horeba ayaandarro ah, waanu jecelahay markasta inaanu shacbiweynaha ugu baaqno meel uu joogoba, gaar ahaan dadka Hargeysa ee aadka u cadhaysan ee aanu malayn karno heerka ay ka gaadhsiisan tahay cadhada iyo gadoodku inaynu samir yeelano oo nabadgelyada dhawrno oo aynu si xilkasnimo ah u dhaqanno”.

“Waxaanu aad uga xunnahay oo runtii aanu dhaleecayn u soo jeedinaynaa dowladdan marka wax dhacaanba waxa ugu horraysa ee ay samaysaa ay tahay in hubka ugu culculus intay la soo haliisho shacbiga caadiga ah ee wax-ma-garatada ah ee masaakiinta ah dhibaato loogu geysto,” ayuu raaciyey.

Guddoomiyaha Xisbiga KULMIYE, Axmed Siilaanyo, waxa uu sheegay in ay tahay mid la fahmi karo in marka buuq dhaco ay ciidamada ammaanku isku deyayaan si ay u xakameeyaan oo ay u joojiyaan, balse, waxa uu sheegay in caalamka ay jiraan farsamooyin badan, taas oo uu ku dhalliilay in xukuumadda looga baahnaa inay samayso, haddii aanay samayna ay ku talagasho in markasta ay dhacayaan muddaharaadyo, gadoodyo iyo dad cadhaysan, isla markaana aanay noqonin in markasta madaafiic iyo tikniko loogu jawaabo, balse, ay la timaaddo farsamo kale.

Waxa kale oo uu Guddoomiyuhu ku dhalliilay xukuumadda sida ay u wajahdey arrinta gadoodku ka dhacay oo ah Riig ceel ka qodayey Koonfurta Hargeysa, kaas oo si lama filaan loo soo dhaqaajiyey, isla markaana la sheegay in meel kale loo wareejinayo taas oo ay dadku ka gadoodeen. Waxana uu sheegay in deegaanka ceelka laga qodayey ee Koonfurta Hargeysa uu ka mid yahay dhul badan oo Somaliland ah oo baahi weyn oo biyood ka jirto, dadkuna ay aad u naawilayeen, soona dhoweeyeen. Sidaas darteed, haddii sabab farsamo darteed loo joojiyey, waxa uu sheegay in loo baahnaa marka hore in dadka deegaanka iyo waxgaradkooda loo soo bandhigo, lana fahamsiiyo sababta biyaha loogu soo saari waayey iyo sababta riigga loo kaxaynayo iyo meesha la geynayo, lana helo ogolaanshahooda inta aan tallaabo la qaadin.

“Taasi may dhicin, waxa dhacday in la yidhi riiggii waanu qaadanaynaa oo meel kale ayaanu geynaynaa, dadkiina si khaldan loo fahmay, halkaana gadood ka dhashay. Taa qudheedu waxay muujinaysaa farsama-xumada,” ayuu yidhi Guddoomiyuhu.

Waxana uu sheegay in ta ka darani ay tahay rasaasta iyo hubka xoogga ah ee dadka lagu isticmaalay, taas oo uu sheegay in aanay ahayn markii u horreysey ee ay Hargeysa ka dhacdo.

Axmed Siilaanyo ugu dambayntii waxa uu sheegay inay ku guubaabinayaan odayaasha iyo waxgaradka magaalada iyo gaar ahaan xaafaddaas, in la ilaaliyo nabadgelyo nabadgelyada oo uu sheegay inay qiimo weyn u leedahay qaranka iyo magaaladaba, cadhadana laga soo noqdo. Waxa kale oo uu xukuumadda ugu baaqay in ay fuliso wixii ay ku wadahadleen odayaasha xaafadda.

Xigasho / Somaliland.org, Hargeysa.

July 5th, 2008

The Somaliland Times editorial on June 21^st with the title “Somaliland Government & Opposition Parties Deserve Guelleh’s Contempt” has strongly criticized Kulmiye Party and the government for supporting the people and government of Djibouti in its conflict with Eritrea. The editorial said “ Somaliland ’s leaders have shown, yet again, that they are far from having learned their lesson, and are still in the habit of making serious decisions based on a confusing mix of emotionalism, clanism and narrow selfish interests”. This view is also shared by Mr. Faysal Ali Warabe, Chairman of UCID Party. After finishing reading the editorial and Chairman Faysal’s comments; I could not help but feel, on the contrary, both the editorial and Chairman Faysal got it wrong and have taken rather a policy position based on punishing a neighboring government – which is not a sound policy. Let me explain;

July 3rd, 2008

Hargeysa (Somaliland.org) – Guddoomiyaha Xisbiga Mucaaridka ah ee KULMIYE, Axmed Maxamed Siilaanyo oo ayaa maanta dalka ku soo laabtay, kadib markii uu sii dhammaystay socdaal uu muddo bil ku dhow ugu maqnaa dalka Ingiriiska.

Guddoomiyaha, mudane Siilaanyo oo ay Garoonka diyaaradaha ee magaalada Hargeysa ay kaga hortageen, si diirranna ugu soo dhoweeyeen xubnaha kale ee hoggaanka xisbiga KULMIYE, xildhibaanno ka tirsan Golaha Wakiillada oo ka soo baxay xisbigaas, xubno door ah oo ka tirsan Golaha Dhexe ee xisbiga iyo dadweyne kale oo aad u fara badan, waxa ay weriyayaashu su’aalo dhawr ah oo la xidhiidha socdaalkiisa iyo xaaladda dalka ku weydiiyeen qolka socotada muhiimka ah ee Madaarka. Waxana uu sheegay in socdaalkiisu uu ahaa mid gaar ah. Hase yeeshee, waxa uu xusay muddadii uu joogey dalka Ingiriiska inuu fursad u helay inuu la kulmo dadka reer Somaliland ee ku dhaqan dalkaas oo ah meesha taageerayaasha ugu badan xisbiga KULMIYE ee Qurbuhu deggan yihiin, isaga oo sheegay inay dadkaasi aad u danaynayeen in wararka dalka, gaar ahaan xaaladda uu wakhtigan ku sugan yahay.

Guddoomiyuhu waxa uu sheegay in dadkaas uu la kulmay ay iska xogwarraysteen xaaladda dalku ku sugan yahay wakhtigan, gaar ahaan dhinaca siyaasadda, dib u dhaca doorashooyinka, dhaqaalaha iyo sicir bararka maceeshadda, isla markaana uu uga warramay arrimahaas iyo xaaladda guud ee dalka guud ahaan.

Guddoomiyaha Xisbiga KULMIYE, Axmed Siilaanyo, waxa uu sheegay in dadka reer Somaliland ee qurba-joogga ah ay guud ahaanba werwer weyn ka qabaan geeddi-socodka Dimuqraadiyadda ee dalka oo aan u socon sidii loogu talagalay. Waxa kale oo ay dadkaasi werwer weyn ka muujiyeen ayuu yidhi sicir bararka maceeshada ee khatarta ku haya nolosha ummadda danyarta ah.

Waxa kale oo Guddoomiyaha wax laga weydiiyey xidhiidhka Somaliland iyo Jabuuti iyo socdaalkii Daahir Riyaale uu dhowaan ku tegey Jabuuti oo natiijadiisu ay dood lagu kala aragti duwan yahay oo siyaasadeed dalka ka abuurtay, iyada oo siyaasiyiinta qaarkood ay ku dhalliileen Daahir Riyaale warmurtiyeedkii uu la soo saaray xukuumadda Jabuuti ee ay ku cambaaraynayeen dowladda Erateriya. Axmed Siilaanyo waxa uu sheegay inay soo dhoweynayaan markasta in Somaliland xidhiidh wanaagsan la yeelato derisyadeeda, gaar ahaan Jabuuti oo uu sheegay inay tahay dalka ugu dhow, derisnimada ka sokowna ay labada shacbi ay isku mid yihiin. Sidoo kale, waxa uu sheegay in Erateriya ay tahay iyaduna dal aynu deris nahay oo ku xigta Jabuuti, iyada lafteedana loo baahan yahay in aynaan colaad gashan, inkasta oo uu xusay in Somaliland markasta danaynayso nabadda mandaqadda, sidaa darteedna ay cambaareeyeen weerarkii Erateriya ku soo qaadday dhowaan Jabuuti.

 

(Laanta Norway ee Xisbiga Kulmiye oo Guddi Cusub dooratay. )

Oslo, Norway -Shir ballaadhan oo ay isugu yimaadeen xubnaha Laanta xisbiga Kulmiye ee Norway 29-kii bishan june ayaa lagu doortay guddi cucub, laguna falanqeeyey arrimo badan oo muhiim ah. Arrimaha lagu gorfeeyey shirka ayaa badi ku saabsana danaha iyo ujeedooyinka Laanta Kulmiye ee Norway. Ugu horrayn wuxuu shirweynuhu ansixiyey xeer hoosaadka Laanta, xeerkaas oo ay ku qeexantahay hab maamulka iyo himilada laantu tiigsanayso. Xeer hoosaadku waxa kaloo qeexayaa sida loo dooranaayo hogaanka laanta iyo inta ay xilka haynayaan. Waxa shirka goob joog ka haa xubno culculus oo ka tirsan Xisbi qaranka Kulmiye, oo ay ka mid ahaayeen Xildhibaan Yusuf Maxmed Cali (Tukke), Mj Axmed muxumad Madar, Axmed Xaaji Nur, Axmed Cawad iyo xubno kale oo muhiim ah.

Shirweynuhu wuxuu isla qaatay, tusmana u dhigay sidii hawlaha laanta loo dardargelin lahaa, hawlahaas oo ku wajahan sidii Kulmiye Norway ugu diyaargaroobi laha Doorashooyinka Qaran ee innagu soo foolle.

Guddida la doortay waxay ka kooban tahay:

Sulub Ismail Warsame – Guddoomiye
Ali Mohamoud jama – Xoghaye
Hassan Mohamed Ali – Khasnaji (lacaghaye)
Hussain Hassan Gulaid – xubin (La Taliye)
Maryan Mohamoud Ali – xubin