Dr Maxamed Cabdi Gaboose Oo Si Heer Sare Ah Loogu Soo Dhaweeyay Magaalada Columbus , Ohio

Maanta oo ay taarikhdu ahayd 17/01/2009, waxa magaaaladda Columbus, Ohio ee carriga Maraykanka xaflad heer sare ah loogu qabtay guddoomiyaha urur siyaasadeedka QARAN Dr. Mohamed Abdi Gaboose iyo wefti uu hogaaminayo, oo beryahanba safarro ku marayey waddankan Maraykanka.

Safarkan Dr. Gaboose ayaa la xidhiidha olole siyaasaddeed (campaign) siddii la isugu xidhi lahaa taageerayaasha xisbiga KULMIYE ee North America iyo taageerayaasha ururka QARAN, iyo sidii dhaqaale ururin loogu samayn lahaa xisbiga KULMIYE (fund-raising).

Haddaba xafladdan oo si heer qaran ah u dhacday ayaa waxaa ka soo qayb galay dhammaan bulshaweynta reer Somaliland ee ku dhaqan magaaladda Columbus, ee gobolka Ohio.

Haddaba ugu horrayn waxaa xafladaas ka hadlay guddoomiye ku xigeenka xisbiga KULMIYE North America ahna guddoomiyaha xisbaga KULMIYE ee Columbus, Ohio, Mr Saxardiid Mohamed Shaacir oo u mahad celiyey bulshaweyntii reer Somaliland, sida diirran ee ay uga soo qayb galeen xafladdan.

Muddo yar ka dib waxaa microphone ka lagu soo dhaweeyey guddoomiyaha ururka QARAN Dr. Mohamed Cabdi Gaboose, oo shacabkii ugu mahad naqay sida diirran ee ay usoo dhaweeyeen. waxaanu Dr. Gaboose ka warramay marxaladihii uu waddanku soo maray iyo xaaladda uu imika ku sugan yahay, waxa kale oo uu ka warramay dhibaatooyinka waddanka ka taagan dhinac kasta.

Xafladda Soo Dhawaynta Dr. Gabose, Columbus, Ohio

Wuuxu sheegay Dr. Gaboose in uu maadaxweyne ina Rayaale waddankii ka dhigay (monopoly) oo wax kasta u xidhay cid gaar ah:

• Shidaalkii waxaa loo xidhay shirkadda total o qudha
• Adhigii waxaa loo xidhay nin carab ah
• Warshaddii sibidhka ilaa imika waa siddeeda ka dib markii uu dahir rayaale yidhi waxaan ku wareejiyey shirkad jarmal ah, oo dhagaxntii weli halkii ayey taalaa
• Waddankii dhalinyaraddii way ka yaacday oo waxay ku xidh xidhan yihiin xabsiyadda Liibya iyo Suudaan
• Goloyaashii qaranku uma shaqeeyaan si madax banaan

Waxaas oo dhibaato ah waxa uu Dr. Gaboose dusha ka saaray xukuumadda ina Rayaale.

Waxa kale oo uu Dr. Gaboose ka waramay xadhigoodii, sababtii loo xidhay iyo waxyaabaha ku kalifay in ay taageero siyaan xisbiga KULMIYE (indorsement). Dr. Gaboose waxa uu sheegay in uu xisbiga KULMIYE yahay xisbiga keliya ee oggol in la furo xisbiyo.

“Markii aanu aanu eegnay saddexda xisbi QARAN ee doorashadda u tartamaya waxay nala noqotay xisbiga wadddanka badbaadadiisu ku jirto waa KULMIYE, markaas hiil iyo hooba ha la isla garab taago xisbiga KULMIYE iyo Muj Siilaanyo” sidaa waxa yidhi Dr. Gaboose.

Gebogebaddii xafladda su’aalo la waydiiyey Dr. Gaboose ka dib waxaa halkaa shahaado sharaf ku kudoonsiiyey ururka dhalinyaro ah oo reer Somaliland ah oo la yidhaaho (UBAD), waxaana shahaadada gudoonsiiyey guddoomiyaha ururka (UBAD) Mr Ahmed Hassan.

Free Jornalist Abdisalam Mohamed Buraleh
csalaan2003@hotmail.com

Dr. Gabose oo socdaal ku maraya dalka Maraykanka

Dhalinyarada ka qaybqaadatay soo dhawaynt Dr. Gabose

Dr. Gabose oo soo dhawayn diirran oo lagu qaabilay

KULMIYE-Canada-conf

Dhamaan Taageeryasha Xisbiga Waxaanu Ka Codsanaynaa In Wakhtiga La Ilaaliyo.

}

Left Mr Carter,Dr.Gabose,Mr.James,Mr Walsh

Dr Gaboose oo ku sugan dalka Mareykanka wuxuu dedaal ugu jiraa sidii laysugu xidhi lahaa tageerayaasha xisbiga Kulmiye iyo Ururka Qaran. Dr Gabose wuxuu kaloo xarunta wasaaradda arrimaha dibedda (US State Department) kula wada kulmay (Jan 13-2009) masuulka sare ee u qaabilsan arrimaha Africa , Mr. Phillip Carter III (Principal Deputy Assistant Secretary- Bureau of African Affairs), madaxa Geeska Africa (Mr.James Director of East African Affairs), iyo madaxa arrimaha Somalia ( Mr. Matthew Walsh).

Waxaan dhamaan tageerasha iyo Xubnaha KULMIYE Norway la ogaysiin in Shirweyn iyo dood ku saabsan diyaargaradow doorashada 2009.
la qaban doonta Maalinta Sabtida 17.Janaur.2009

Adress waa:Olafiagangen 5, (Posta Grønland dusheeda)
Tariikhda Shirweynaha: .Sabtida 17.Janaur.2009
Saacada: 16:00 ilaa 19:00. (Wakhtiga hala ilaaliyo, 3 saacadood ayaa la kireeyay Hoolka)

Agenduhu waa:

1. Card-kii Xubnimada Kulmiya oo la qaybinaayo .
2. Diyaarinta Wafdiga balaadhan ee ka qayb galaay Shirweynaha London ee 24.01.09
3. U diyaargarowda qaybta Laanta Norway ugu qaybqaadanaaso “Doorashada 2009?
4. IWM

Guddoomiyaha KULMIYE Norway
Sulub Hussein Warsame.

——————————————————————————————————————————–

KULMIYE PARTY, Norway Branch

Chairman of KULMIYE Norway Branch : Sulub WARSAME.
Member of K. Norway Committee: Roble Dahir, Ali Jama, Maryan Ali, Husen Hasan and Hasan Ali.
Member of KULMIYE C. C., from Norway Branch: Professor Husen Hassan.
Adress-office of Kumiye Norway: Nordkappgata 19, 0479 Oslo, Telefon: + 47 41075670.
Acoun-ka Norway Branch: 15030507670, Dnb NOR BANK.
E-mail of KULMIYE Norway: kulmiyenorway@hotmail.com.

DALJIRE

Daljire :Codka Noo Hura

By A. Geeljire

Dubbe iyo Doolaal duqay weeye magaalo oo dalkooda ilaasha. Waa laba aan kala daalin dariiqna aan wada qaadin. Midba duubka wanaagga dushaasuu ku sitaa iyagaaba is doortay.Waa laba aan debec yeelan oon hadal diirkaba saarin deelqaafna wuu ka dhacaa. Haddana inay is dilaan iyo dudmana loogama yaabo. Waa niman aan dan ka yeelan dadka kay ku arkaan waxay diidan yihiin ee duunkoodu la yaabo derejo uu doono ha yeeshee, kay daafacayaanna inta daaqsinta geela looga soo durki maayo. Ruuxay diiraddoodu haleesho daguugahay ka dhigaan dembina loo qabsanmaayo oo duqoodi Dhanxiirbaa digreetadaa u saxeexay ducana waabu u raacshay. Bartay doodda jilba iyo foodda ay is daraanna waa Danlaawoow mafrishkooda oo ay qadadii dabadeeda iyo duhurka ay ku kulmaan.

Dubbe:Wallaahi waan garanayay in ninkaa C/rashiid Qambi hadalkaa laga raacayo. Anigu wuxuun baan sugayey goorta Ina Rayaale xukuumaddiisu ay odhanayso qaraxii buu ku jiray oo Alshabaab baa taleefan noo soo dirtay.

Doolaal:Waa maxay hadalkaad sheegaysaa? Maxaase markaydin duni qastaan ee laydin qabto u tidhaahdaan mucaaridnimo ayaa nalagu xidhay?

Dubbe:Anigu weliba kelmad buu ka illaabay baan leeyahay hadalkii ee inuu Boolisna ku daraa bay ahayd.

Doolaal:waa maxay waxan aad ka hadlaysaa? Muxuu yidhi?

Dubbe:wuxuu yidhi . waa siduu hadalka u dhigaye. “Ina Rayaale waa nin laga garasho badan yahay oo bakhti iyo been isla helay aan cidina ka hor joogsanayn.” Anigu waxaan ugu dari lahaa “bakhti,been iyo Boolis buu isla helay.”

Doolaal:Ma waxaasuu ku hadlay ood leedahay maxaa loo xidhay? Bal waataase waxaan cay ahayn ha laydinka maqlo. Allah nimanku afxumaa.

Dubbe:Waar iska daayoo runtaa cay u taqaanaane. Jagadii marxuumkii Ina Bullaale weli cid ma la qoray? Sawtan la yidhi anagoon Waladaaliintii faataxadaba dhamayn meeshiisii shan nin baa isku haysta.

Doolaal:maxaa kaa galay adiga ma xisbigayagaad tahay?

Dubbe:mayee wallaahi waxaan ka naxsanay raga u soo cumaamatay halkaan ogaa. Marxuumka ayaanu isagoo nool u ooyi jirnay. Waar nimanka waxaad tidhaahdaan meeshan wax xoghaye la yidhaa ma jiro ee ha ku qaran jabina. “waar ma tanbaa Jafaalna baqal u soo fuulay” buu yidhi ninkii jiray. Meesha markeeda hore dadka udub u taliyaa golayaashiisaba wax yar baa kaga jira sawta la yidhi. Miyaanay taa ogeyn tolow?

Doolaal:yaa kugu yidhi?

Dubbe:waar tani waa iska wada Abasguule. Meesha waxa ka taliya ayaa layidhi ragga jeebkoodu gunta dheer yahay ee aan golayaasha ku jirin iyo cawil. Aar aan nimanka hoos ugu warramee ii kaadi.

Doolaal:waar adigu badayada ka bax.

Dubbe:Ma waxaad leedahay “do not enter our sea.” Waayahay ee Cabdillahi Darawal ka warran iyo arrintiisa u ku dhawaaqay shalay.

Doolaal: “Bal soo bax baa la leeyahay oo ay sacabka leefaysaa.” Ma noqotay haddana.

Dubbe:waxaan maqlay durba waxaad tidhaahdeen lacagta xisbiga muu bixin jirin. Oo yaa haddaa bixiya. Ta dawladda ayuumbaa xaddaan oo xisbiga ku quudisaane. Bal rasiidhkii Ina Rayaale ku bixiyay ha na tuso. Mise Ina Bullaale ayaa la dhintay buu odhan Alla ha u naxariistee? Wallaahi wax walba ka yaab. Wallaahi Darawal hadduu waxaa yeello isagaan kaanu naqaanayba ahayn.

Doolaal:waar waxayaga ka baxoo maxaa Kenya ka doonteen?

Dubbe:maxaa idinku Djibouti ka doonteen? Beentii yarayd ee guddi wasiiro ah ayaanu samaynay iyo heshiis baanu wadnaa saw maaha? Waanu ognay inaydin meesha macawiso u doonataan. Lix sanadood baanu beentaa yar soo dhegeysanaynay. Sawkaa nin waliba halkuu wax ku ogaa tegey maaha. Anagu dadkayaga ayaanu la soo kulmaynaa dawladahana waxaanu leenay sii diyaargarooba guusha dabeed been dambe oo laydiin sheegayaa ma jirto eh.

Doolaal:Oo maxaa dadkan gudaha ula hadli weydeen intaad kuwa debedda la soo hadlaysaan kuwanaaba codaynayee?

Dubbe:Waanu la hadallay oo waxaanu nidhi:

madax caanoo

cilmi badanoo

wada caadilla

baanu cuganee

codka noo hura

Dadkan cudurkiyo

Jahliga cuskaday

Aan ka cuudshoo

Ka casharinee

Codka noo hura

Cajam iyo carab

Dalka caddaw iyo

Col ku soo maqan

Aan ka celinee

Codka noo hura

Aan dhallinta cidlada

Caydh la tubanee

Cimrigood tegey

Camal siinee

Codka noo hura

Musuqa carrada

Cidhib tiray iyo

Boolli qaran cune

Hayska cararee

Codka noo hura

Kaan u ciil qabay

Citiraafkaan

Caska waagiyo

Ciyoon keeniye

Codka noo hura

Qof carruuriyo

Mid cirroole ah

Aynu ciidnoo

Ciyaar tumanee

Codka noo hura.

Waa innoo toddobaadka dambe. Haddii Eebbe idmo.

A.Geeljire